القائمة الرئيسية

الصفحات

السبع خطايا -هدير عزت | من أفضل دواوين 2021


"واحنا أطفال السنين والتجربة والتيه"

السبع خطايا -هدير عزت | من أفضل دواوين 2021
(ديوان شعر بالعامية المصرية)
 اسم الديوان: السبع خطايا
 للشاعرة: هدير عزت
 عدد الصفحات: ١٦٠ صفحة
  صدر عن فهرس للنشر والتوزيع
 مصمم الغلاف: زينب محمد
 تنسيق داخلي: ضياء فريد

 نبذة عن الديوان: 
- يعد هذا الديوان العمل الثاني بعد (قبل الحقيقة بساعة)، والذي يُلحظ فيه التطور عن سابقه وسلاسة الكاتبة أكثر  - تقول: 
"مابقيتش حُرة 
و بـ اواري سَوأة فشَلي بالأشعار
 وادعي ف قصيدتي يزورني شكل السما
 فَيزورني صَمتي ف حَضرة الأشجار"
- الديوان يحمل فكرة هايلة ومن اسمه هتقسِّمه الكاتبة لسبع خطايا، كل خطيئة منهم تحمل قصيدتين أو أكثر. 

"لكن قلبي اللي مش ممكن في يوم يِرجع لي عـ المُفتاح"

 - ترتيب الديوان ممتع ومنظم بصورة جيدة ويخدم الفكرة والهدف.
  
"نفس المشاعر
 بتدُق باب الرغبة فينا بالتساوي
 بس اللي تربِس بابُه مش زي اللي واربُه
 واللي رحَّب بالغريب علشان في إيدُه حَبِّة حنان
 مش زي أبداً قلب رحَّب بالقساوة 
ما دامها جايَّة في إيد حبايبُه" 

- صدق المشاعر في الديوان هايل، وواضح التجرد والتمرد والسؤال، بتقول: 
"أنا عمري عـ الطفلة اللي فيَّا كتير يارب
 وقَليل على العقل اللي شايل كوم تجارب
 أنا عقلي حارب بس قلبي ما خاضش حَرب
 وِفـ مرة شُفته بيبتسِم وِسط العقارب"

 "(الله اكبر) قادرة تكسفني"

  "لازم تعدي على الغلط وتقوله حاضر واعرفُه
 مرَّة انصِفُه
 مرَّة اهزِمه
 بس اوعى مرَّة تفَلسِفُه!"

"الموت لسان الدنيا لكن
 مش بيِنطق
 وِمداري نَفسُه عشان صَدَاه مِتشاف"

----
  الديوان يستاهل ينصب عليه النور، قوي كفكرة، قوي كصياغة، وترتيب واختيار لكل شيء في مكانه  
- الغلاف رائع، ينم عن مصممة هايلة .
تقييمي للديوان: ٥/٤.٥  
 يستحق القراءة

تعليقات