مبدأيا كدة هبدا بالترتيب اللي اي مشتري هيقم بيه - من مرحلة الغلاف، لكلمة الضهر، للشكل الداخلي، وبعدين للرواية نفسها وبعدين السعر والجودة عشان نسبيا الاتنين متعلقين ببعض والتصنيف النهائي.
- الغلاف: اول حاجة عيني جت عليها لما شفت الغلاف لاول مرة خالص هي الاسم، رغم ان التصميم نفسه خلى النقش هو التركيز بتاع الغلاف الا ان الاسم لانه ابيض جدا لفت انتباهي قبل الرسمة،
وبعد مدققت فالنقشة او الرسمة اللي هي عبارة عن رموز فدائرة "مانديلا" وجواها العين والسيف زي مباين فالصورة، حسيت ان الغلاف ده مدي على لعنة الشيطان كده، حاجة رعب مثلا: ومن هنا قلت ان الكتاب ده تصنيفه رعب.. وهناقش ده بعد شوية
تصميم : Mohamed H. Derbala
-كلمة الضهر:
طبيعي بعد معدي مرحلة الغلاف، لو الغلاف عجبني بقرا كلمة الضهر عشان اشوف لو الكلمة هتلفت انتباهي ولا لا، المهم ان كلمة الضهر هنا الى حد ما بتطلق نوع من انواع التسائل اي انها لا تمس الرعب بصلة، بل هي اكثر من رواية تناقش حجات مرعبة عن انها تعيشك فالرعب نفسه، وده من النبذة، حتما مشوقة،
وهي: تلك قصتي، هذا أنا وذلك هو القدر، أحيانًا تجد نعاج رضع وجدوا على الأرض ليرثوا الملك من آبائهم الأمراء والملوك، وهناك أشبال ولدوا ليغيروا العالم، وهناك من صاغهم القدر في قصة حزينة ليرثوا الكره والألم.
أحيانًا أتمادى في التفكير، لم أتخلَ قط عن مبادئي ومعتقداتي، في الغالب أتخلى عن أفكاري الراقدة بعقلي، أحاول الهروب من صخب يتأجج به.
حتى في الطفولة المشرقة كنت أتأرجح في الظلام بين التنمر والشجارات الأسرية، تبًا لتلك الأيام العبثية، لم أكن أعلم هل أنا من يلعب في الوحل أم الوحل هو من يعبث بحياتي؟
-الاخراج الداخلي:
لمن لا يعلم معنى الاخراج الداخخلي هو عمتا شكل الرواية من جوه وده مش هتلاقيه فاي ريفيو عادي ولكن انا بجقق فالحته دي عشان انا واحده بحس اني بتقفل من الرواية لو شكلها مش "جميل" لعيني، وهنا اقدر اقول ان رواية عين من الجحيم كانت متنسقة بشكل جيد جدا الخط كان كويس، مكنش كبير اوي ولا صغير اوي فمريح للعين جدا،
-الرواية نفسها،
هنا بقا اقدر اقول ان مشاعري كانت متقلبة فحاولت على قد مقدر احط مجهود فاني انصف الرواية من حيث الحكم ف فرقت احساسي لحاجتين
1-اعجبني:
-محاصيل الكاتب اللغوية
-قلة الاخطاء او انعدامها
-اسلوب السرد رائع
-الحبكة اكثر من رائعة
-ما لم يعجبني:
-صغر الرواية لانها حتما مشوقة جدا وتمنين انها تفضل معايا اكثر من 80 صفحة،
-حسيت ان في حجات كتير الكاتب احمد سقط يكتبها اصلا، والاحساس ده خلاني فمشهد ونقلت لمشهد تاني بدون مقدمات وانا كقارئ حابة اتخيل المشاهد كلها متكاملة
-السعر والجودة
بالنسبة للغلاف كان تقيل جدا وشكله حلو جدا وجودته عالية حاجه تمسكها فايدك تفرح بيها والحبر فالصفح الداخلية متحدد كويس مفيهوش اي لخبطة زي ممكن نلاقي احيانا عيوب طباعة وبالنسبة لسعرها 35 جنيه مش غاليا اطلاقا، انت بتدفع وتستلم جودة على قد اللي بتدفعه،
-التصنيف النهائي للرواية بعد مقلنا ان الغلاف اداها لمسة رعب، وعد قرائتها والعيش فاجوائها اقدر اصنفها من غموض لخيال علمي مع ريحة الرومانسية، واديها تقييم 7 من 10 متكاملة، وان زادت التفاصيل وعدد الصفح فيها والمشاهد كانت الرواية هتبقا 10 من 10 دون شك
مراجعة: ماري جهاد
------
أماكن توزيع الرواية في محافظات مصر 
- إبهار بوك ستور القاهرة..
وسط البلد – شارع جواد حسني – بجوار مترو محمد نجيب – أمام مدرسة فتحية بهيج وdhl.
- إبهار بوك ستور فرع الإسكندرية وعنوانه..
الإسكندرية – العصافرة بحر بجوار فندق وردة العصافرة.
-فرع المنيا المدينة.. وعنوانه..
المنيا - ٦٣ شارع نفرتيتي _ خلف التأمين من عدنان المالكي _ وخلف فندق نفرتيتي من طه حسين.
- إبهار شبين الكوم..
شارع الجلاء البحري، بجوار عصير أولاد ربيع شارع مركز طيبة للعيون.
- إبهار بوك ستور سوهاج..
إشارة ١٥ - خلف مستشفى المعلمين - شارع حفصة - أكاديمية تارجت - الدور الأرضي.
تعليقات
إرسال تعليق